Aansuon ki jahaan payamali rahi
Aisi basti charagon se Khali rahi
Dushmanon ki tarah us se lartey rahe
Apni chahat bhi kitni niraali rahi
Jab kabhi bhi tumhara Khayal aa gaya
Phir kai roz tak be-khayaali rahi
Lab tarastey rahey ik hansi k liye
Meri kashti musaafir se Khaali rahi
Chaand taarey sabhi ham-safar thay magar
Zindagi raat thi, raat ki tarah kaali rahi
Mere seney pe Khushbu ne sar rakh diya
Meri baahon main phoolon ki Daali rahi..
Please Do Click g+1 Button below If You Liked The Post & Share It